​លោក Louis van Gaal បាន​សម្តែង​នូវ​ក្តីបារម្ភ​ចំពោះ​ការបន្ត​ភាពបរាជ័យ​មិនអាច​រក​គ្រាប់​បាល់​បាន​នៅមុខ​ទី​គូរ​ប្រកួត របស់​ក្រុម​បិសាច​ក្រហម Manchester United ខណៈដែល​លោក​បាន​ព្រមាន​ថា ពួកគេ​ត្រូវ​បញ្ចប់ បញ្ហា​នេះ​ឲ្យ​បាន ពេល​ប៉ះ​ជាមួយ CSKA Moscow នៅ​សប្តាហ៍​នេះ​។​

United បាន​បរាជ័យ មិនអាច​រក​គ្រាប់​បាល់​បាន បី​ប្រកួត​ផ្ទួនៗ​គ្នា ខណៈ​បន្ត ស្មើ​ជាមួយ Crystal Palace នៅ Selhurst កាលពី​ចុង​សប្តាហ៍​មុន​។​

Van Gaal សារភាពថា ក្រុម​លោក​ស្ថិតក្នុង​លំដាប់​ល្អ​លេខ​ពីរ និង​បាន​ទទូចថា ពួកគេ​នឹង​ត្រលប់​មកវិញ ក្នុង Champion League នៅក្នុង​ទឹកដី​ខ្លួន​នៅ​ថ្ងៃ​អង្គារ​ខាងមុខនេះ​។​

​លោក​និយាយថា «​ពិតណាស់ ខ្ញុំ​មាន​ក្តីបារម្ភ​ចំពោះ​ការខ្វះ​គ្រាប់​បាល់ ប៉ុន្តែ​បច្ចុប្បន្ន នៅពេលដែល​មិនអាច​បង្កើត​ឳ​កាស​បាន ខ្ញុំ​ក៏​មិន​បន្ទោស​រឿង​ហ្នឹង​ដែរ​»​។​

​ប៉ុន្តែ​លោក​បាន​បដិសេធថា ទម្រង់​លេង​បច្ចុប្បន្នកំពុង​ប៉ះពាល់​ដល់​ផ្លូវ​អារម្មណ៍​របស់​កីឡាករ​លោក​។ លោក​ថ្លែងថា «​វា​អាច​ផ្លាស់ប្តូរ​ក្នុង​ប្រកួត និង​ចាំមើល​ពួកយើង​ជាមួយ CSKA សិន ពីព្រោះ​ពួកយើង​ត្រូវការ​ឈ្នះ​ក្នុងការ​ប្រកួត​នេះ បន្ទាប់មក យើង​នឹង​ជជែក​គ្នា​រឿង​ផ្សេង​វិញ​»៕

​ប្រភព​៖ cambosport

​